- AUDEUS
- AUDEUSCaput Audianorum. e Mesopotamia oriundus, Scientiâ et Zelô instructus, vitam Ecclesiasticorum acriter reprehendit. Hinc illis exosus primo, dein pellitur. Ultione proin ardens, Annô 338. schisma meditatur. Episcopus a sectatoribus salutatus. Mox ab Imperatore Constantio in Scythiam relegatus, ibi Gentilium complures convertit, Epiphaniô teste. Pascha celebravit cum Iudaeis, Deo figuram tribuit humanam, tenebras, aquam et ignem initium non habere docuit, suos inter libros Canonicos et Apocryphos transeuntes absolvit. Anthanas. haer. 70 Augustin. haer. 50. Baron. A. C. 341. Theodoret. l. 4. haer. fab. Melius Audaeus.
Hofmann J. Lexicon universale. 1698.